خطط جهنميه لأصطياد التماسيح

الى كل عانسه العفو اقصد انسه ناشبة في حلق أهلها وماتصرفت مع انهم حاطين معها أختها مجانا (لترويج البضاعة المتراكمه في البيت )
اليك عصارة راسي وبنات أفكاري أضعها بين يديك
كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح اللي ماله سنع،الترزز بالاسواق .الخ )
للاجابة على هذا السؤال اليك مايلي
أهم نقطة :نشني على العجوز اللي حاطة عينك على ولدها ثم نفذي مايلي :
1-خليك مع أمك لاتروحين مع البنات وتهيبلين اصبري عنهن كم شهر لين تتم العملية
2-امشي وانتي حاطة راسك بين كتوفك لاترفعينه أبدا حتى لو يصير كله صعارير علشان يقولون مؤدبة ومب متكبرة
3-كلمة خالة خليها على لسانك وخاصة لأم التمساح علشان تحس بنوع من التميز عن بقية العجز .لامانع تنادين وحدة ثانية بخالة علشان إذا مانجحت الخطة مع العجوز نمبر ون تنجح مع الثانية اتبعيها كخطة احتياطية (يعني ستبنة )
4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس مالقيت غيره
5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك
6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )
7-اذا جيتي بتمدين ايدك جعلها الكسر< (بتنجلد) اعبطي خشتك وتويجعي (مب قوة علشان مايقولون جوارة) وخلي أمك تقول :قايلة لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك قبل ما تنظفين جدران الفلة نظفي غرفتك أول اللي تقولين مفجره فيها قنبلة ذرية )
8-دايم ارتزي كأنك بالعة قصبة علشان ماينقص من طولك ولا سنتيمتر (للقصيرات)
9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق)
10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة
11-شعرك افرديه لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن
12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم
13-في العروس لاترقصين اربضي واقضبي ارضك واعتبري الرقص عيب وشق جيب
14-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع )
الحين بتكون العجوز وقعت باالفخ
نرووووووووح للتمساح الحين :
اهجدي وارجهني في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا هالي مطيراتن عقول تماسيحنا)
وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل (صبغه ،فرد،تنظيف بشره،الخ) لاتخلين على روحك قاصر
ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية حب من اول نظره
بعدها عاد كيف بيشوفك هذي عليك مب كل شيء بعلمك اياه دبري عمرك عاد
بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا البنت محتاسه مع انك طاقة كل زينك بس يعني في هاللحظة الولد بينط على راس أبوك وهاتك سلم لين يشفط مخه وبيقول متى العرس ياعم (اللهم ارحمه فقد كان ولدا بار بوالديه )وعندها تقدرين تغنين "كل يجيب البلاء لنفسه .."
عاد الله يوفقك ولاتنسينا من حلاو العرس واياني واياك تعلمين الولد من اللي معلمتك هالعلوم خلينا نشوف شغلنا بصمت وسكون ومانبي مشاكل
ملاحظه قويه
ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى
وانا خايفه اغلق حبر منتدانا في التخطيط لهم
نصيحه
رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والترزز والعلوم الزينه

ههههههههههههههههههه

نور الدنيا